Euskara dendan

Hizkuntza gutxituen eta normalizatuen arteko harremanek eragiten dituzten egoera errealak.

2009; Gasteiz

Unibertsitateko lantxo batzuk inprimatzera joan da mutil gazte bat auzoko fotokopia denda batera. Esana diote dendan neska euskaldun batek egiten duela lan, eta aukera ona du hori hala den frogatzeko.

-Egunon.

-(...)

-Orri batzuk inprimatu nahi ditut, pendrivean ekarri ditut.

Dendaria, emakumea da, 30 urte ingurukoa. Ziurreni

k lagunak esan dion neska euskalduna. Pendrivea sartu eta erakutsi egin dio ordenagailuaren pantaila, artxiboak aukeratzeko.

-Hau-behatzaz-, pdf hori eta azken bigarrena.

-Ondo -eta buruarekin baietz-.

Inprimatzera joan da eta ekarri dizkio orriak, eskatutako bat faltan, ordea, eta eskatu gabeko bat soberan.

-Hau ez nuen nahi. Beste hau da -hatzarekin seinalatuz- azken aurrekoa.

-Barkatu.

Inprimitu dio oraingoan dena, eta, kobratu, denak kobratu dizkio, nahiz eta bat behar ez.

-Son tres treinta.

-Tori (...). Agur

Alde egin du tonto aurpegiaz dendatik.

Emakumeak euskaraz ba al zekien? Ulertu ez bazuen, zergatik ez zuen galdetu? Euskaraz egiteak lotsatu baina erderaz errespetuagatik ez al zuen egin nahi? Beldur al zen euskara zail egiten zitzaiola onartu eta erderaz egiteko eskatzeak?

Hizkuntza gutxituen eta normalizatuen arteko harremanek eragiten dituzten egoera errealak.

Kakaztu da musika, itxita

Kakaztu edo ia desagertu. Musika dendarik ikusi duzu zure inguruan? Gasteizen, Elkar megadendan Berri Txarrak-en Denak ez du balio diskoa erostera joan naiz gaur, eta huts. Amaitu omen zaizkie aleak. Behingoz deskarga baztertu eta erosteko intentzioa izan dudala, eta ez dagoela!

Kabreoa.

Nora eta El Corte Inglesera joan naiz gero, huts. Ezta ageri ere Lekunberrikoen itzalik. Eta, gero, nora? Gogoratu ditut Gasteizen zeuden beste pare bat musika denda. Dendaraban eta San Martin auzoan. Joan, eta itxita biak, hutsik.

Ni naiz ala musika dendarik ez dago ia gaur Gasteizen? Eta, zer egingo dut orain, itxoin, internetetik erosi ala dohan deskargatu?

Erosi nahi eta ezin. Elkar-ek pentsatu beharko luke dendara joatea eta kartera irekitzea, esfortzua dela. Ez egin huts.

Iaz ere berdina gertatu zitzaidan. Payola bila. Amaitu omen zitzaien.

Elkar>Corte Inglés> . . .

Zertarako "euskal taberna" zerrenda?

Euskeraz dakizkizun hitz gutxiak praktikatzeko.
Garagardoa, bat, bi, hiru, eskerrik asko, mesedez.
Inguruan jende euskalduna izateko, horrek euskaraz egiteko ematen duen aukerarekin.
Zerbeza euskeraz eskatu eta alboko neska-mutil politarekin, ez?
Berria egunkaria izango dute agian, euskaraz irakurtzeko.
Háblame en cristiano inoiz ere ez entzuteko.
Jakingo ez dutelakoan eta, euskara ez alboratzeko.
Kutxilleria kaletik haratago euskara badagoela ikusteko.
Giza-harremanentzako euskaldunen txoko maiteena taberna delako.
Ameriketan bai eta Gasteizen ez?


IDEIA GEHIAGO? Idatzi beldur gabe ta zabaldu dezagun zerrenda.

Gasteizen Euskeraz egin dezakezun tabernen zerrenda egin dezagun.

Honen ingururuan idatziko dudan guztia esteka honetan aurkituko duzu: gasteiz euskalduna